منتديات ابناء العراق الصابر


منتديــــــــــــــــــــــــات أبنـــــــــــاء العــــــــــــــــــــــــراق الصــــــــــــــــــــــــــــــابر / منتديات عامة متنوعة علمية ثقافية ترفيهية
 
الرئيسيةبحـثالأعضاءالتسجيلدخول

شاطر | 
 

 قصيدة يالموعود

اذهب الى الأسفل 
كاتب الموضوعرسالة
السيد زمن المحنّة
صاحب السمو / المؤسس و المدير
avatar

التحصيل الدراسي : تربية رياضية
الوظيفة : اعلامي
الهواية : رياضة
ذكر عدد الرسائل : 306
العمر : 38
الموقع : http://iraqson.ahlamontada.net/
نقاط : 592
تاريخ التسجيل : 08/04/2008

مُساهمةموضوع: قصيدة يالموعود   الأربعاء أبريل 09, 2008 3:30 pm

يالموعود يمته اتعود علينه طالت الغيبه

علينه طالت الغيبه وغيابك تره اثر
تدري اشعملت اشسوت كوم اهل الرده والشر
تدري جيوش امريكا بأرضنه هاي هالتفتر
ظلم وجور يامنصور ومصيبتنه تره امصيبه

مصيبتنه مصيبه شاب منها الراس
مدري اشعملت الاشرار واتغيرت نفوس الناس
عماهه وذلهه هالدولار وبيه اتغيرت الانفاس
ياستار امن الدولار خله الوادم ابريبه

يغالي طول غيابك وعلينه طالت المده
وكل اليوم اليمر مولاي تلفينه الف شده
وصبرنه فاض يالغالي واضنه هم جزه حده
تمر أيام كلهه الآم طفلنه اليرضع اتشيبه

تشيب اطفالنه مولاي من جور اليمر بينه
من حكم الطغاة اسنين تدري بالسده اعلينه
ننتظرك نعد ايام يالغايب يوالينه
صار اسنين منتظرين اخبارك بأرض طيبه

صار اسنين منتظرين يالمهدي ونعد ايام
تدري اشعملت اشسوت طغاة الجور والظلام
جماله جيوش هالكفار اجتنه والسبب صدام
جمع ارهاب وكطع اركاب يغالي الراح شيجيبه

شيجيبه يغالي السوم وجت وانطفت البيوت
واحبابك تعاني دوم طاغوت بأثر طاغوت
واليحكم علينه شلون تدري بيه اكبر حوت
شعبنه شلون للملعون كون ولازم يهيبه

يهيبه شلون يالمهدي وانته لهالوكت مذخور
احنه وياك ايد بأيد بيايوم الوعد وتثور
ناخذ ثار كل مظلوم وثار اللي بكه منحور
يمته تثور يامنصور حقنه لازم انجيبه

( هذه القصيده ايضالوالدتي الغاليه الشاعره المقعده ام سيد زمن التي لقبها شهيدنا الصدر(شاعرة الحسجه)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iraqson.ahlamontada.net
 
قصيدة يالموعود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء العراق الصابر :: منتديات ابناء العراق الصابر :: الاقسام الدينية :: قسم القصائد الخاصة بالمناسبات الاسلامية-
انتقل الى: