هذا انه حبيبي

هذا انا حبيبي .......
إشراعي ضِد الريح
وَتواكـَح جذب وياه
بَس ماذِل وأ گله أمرك
هذا انا حبيبي امتيمَك مذبوح
حِرِت بيك إوحِرِت بيَه
حِرِت بـِمي إوحِرِت بـِمَك
أصبر الروح لحظه إتهل دَمِوع العين
وَانـَشِف دَمعِتي إبمَنديل
بالمنديل وي دمعي شِفِت رسمك
كِفرت إبساعَة إصياري
عِفِت كِلشي إورِحِت لِلنوم
مَدري انا ابحلم لوصاحي
صِحِت ابصوت رَد ليه
الصدى نغمات من إسمك
حبيبي سَلوتي طاريك
وأشهَگ من تِمرني إبطيف
مو تِدري إبحبيبَك فص ثلِج تعبان
كاسِرني عُمُر وإسنين وي عمرَك
تِوادِعني إوتِواعدني وأجيك
إبلهفـَت المشتاگ
أدور إعليك سِت اكتار أثاريني
گـَبل لـَحظات يمدَلـَل جــنِت يَمَك
صِحِت ياهيه هـاوينـَك
هذا انا أعلى موعِدنا
هذا آنا حبيبي اتأخرت جا ليش
هذا انا الذِبِت بالشوگ
مسقولة إبعَسَل فـــــمّـَك
حبيبي وزهوة ايامي
ذِخر عمري اوشذى اسنيني
ياريت العمر قِداح بيه تِشتَم
حبيبي الشوگ والقِداح
ينفـَح شوگ لو شَمَـــــــّـــك
تعال اوحل ظِفير الليل
بلچي الليل ساعه إيطول
اريد أ گعِد وأسولِفلـَك
وأريد أشجيلك اهمومي
وشيل اوياك نص هَمَك
سامرني حبيبي خل عمرنا ايطول
مو عمري الگضه إبلياك ماجنّه
مِن غـَم السنين الماگضت يَمَك

أدور إعليك سِت اكتار أثاريني
گـَبل لـَحظات يمدَلـَل جــنِت يَمَك

كلش عاشت الايادي