وين الكاك يل حبك سكن بالروح

الك مشتاگ يل حبك سكن بالروح
ويهزني الشوگ الك كل لحظة لملگاك
الك حنيت ولايامنا الحلوات
واذكرها بالم جمعتنه انه وياك
يل كلي الك من الجدم للراس
دقنعني حبيبي اشلون انه انساك
جنت بحلمي اشوفك من انام الليل
هسه شلون اشوفك عقلي جن بجفاك
والگلك نسيتك هذا هم بطران
لأن للموت احبك وانكتل بهواك
وخل الناس تحجي وخل تگول اشكال
اذا انته تحبنــي خذهم بيمنـــاك
دگلي شوكت اشوفك يا بعد هالروح
تصيب الجسم رجفــة من يمر طرواك
احبــك ما أملك ما أعوفك يــوم
وعلى جسمك جفوفي أتمنى بس تنحاك
واحط راسي اعله صـــدرك
وتمسح دمع عيني الجاري بيمناك
بعيد انته عليه ولادرب وامشيه
وتهيتك حبيبي ووين انه الكاك
احط عمري برساله وگلبي طابع شوك
وأودي الروح لجلك بس تگلك هاك

مشاركة رائعة
عاشت ايدك

وخل الناس تحجي وخل تگول اشكال
اذا انته تحبنــي خذهم بيمنـــاك

كلمات حلوة حلوة حلوة

تسلم اخي العزيز

تسسسسسسسسسسسسلمممممممممممممممممممممممم