ღابـــوذيـــــات روعــــة ღ

هجرت القلم من بعدك... والكتاب
ودليلي من العشك بطل ...ولك تاب
وحك العرش والكعبة ...والكتاب
تضل انتة اعز محبوب الية
********
اليحبك من صدك ياترف... حبله
وصله وياك ماينكطع... حبله
احبك وانت امك بيك... حبله
وحجزتك كبل ماتنخطب هيه
********
مثل جنح الفراشه شفاك... ورقه
وربيع الشوك منك راد... ورقه
كل بوسه حبيبي اطيك ...ورقه
واذا حلك ابحلك دفتر هديه
********
سكر كأس الخمر من ضاك... نفسك
واكو غيرك حلو بس ماكو... نفسك
اريدك ياحبيبي اتبوس... نفسك
بس ابداخلك تنويها اليه
********
يانور العين مرسالك... وصلنا
ودمع العين بلل كل... وصلنا
امانه عليك لا تكطع... وصلنا
وخلي دوم عشرتنا سويه
********
اتعارك يا حلو لجلك... وطك طك
وللحاسد اذب حرمل... واطك طك
افرح من تراسلني... واطك طك
وطك اصبعتين من تسأل عليه
********
نقد ادفع وابوسنك... بلادين
واحضنك حيل ياخلي... بلادين
على احسابك حرب علنو...بلادين
دولة كلبي وي روحي علية
********
وحق الي تعبده الناس... وحده
حبك سلب مني الروح... وحده
هذني اثنين وانته اختار... وحده
ترحل لو تضل محبوب اليه
********
اصـــيح بصوتك وانته وياي... ردرد
احبك لاتروح بعيد... ردرد
اذا جتك رساله شوك... ردرد
لان ردك يرد الروح بيه
********
جاري الاتصال وياك... جاري
يمن حبك نهر بالروح... جاري
وين الله وتصير بيوم... جاري
واحني الباب والحايط وادية
********
محبتكم علينه هاي... نعمه
وبعدكم ما تشوف العين... تعمه
اكو اغنيه بشريط حسين... نعمه
كافي من البعد حنو عليه
********

اذا تمشي اعله دربك... مر علينه
حبيبي وبعدك انته... مر علينه
وانا بعز نومي طيفك... مر علينه
افز تبعد ولك شلك عليه
********
مو حب بلقلب هذا... ورمشاك
وذوب بشوفت عيونك... ورمشــاك
اظل للموت بس امشي... ورمشـاك
لان روحي التحبك مو بيدية