موحورية جنك لا اضن احلى

صح كلك حلو ومتعجبة بيك الناس
وسرك هالبشر ما تكَدر أتحله

بس خل أسالك هذا الجمال امنين
حاير كلي بيه ورايد أندله

ما گلك احبك خايف انجن بيك
وينسل عقلي بيه ويشتهي الخلة

ولا أريد اعترف انه اشكثر أهواك
لان طبع إلي يحبك شارد من أهله

وانه اهلي بجمالك شردو من أزمان
لو بس انه والله أوداعتك سهله

حامض يا مه عنك كَالت ادري العين
وتاهت بيك روحي أدور ألسله

بس كَلبي أعله شوفك صار كومه شموع
كض دمعه وآجالك رايد أتحن له

لان شاف الشمس لجلك تبوس الكَاع
من أيمر خيالك تختل أبضلة

ولهذا الكَمر قرر يتوب آوياك
مد سجاد نجمه بشفتك وصله

لان كلك حلو حتى أنت بيك أتغار
ولهذا الحسن بيك أنجمع كله

وخل اضرب مثل من تضحك ابتكريت
تخجل بالشفايف ضحكت الحلة

أنت أول شخص لو صفو الحلوين
وبعدك أنت توكَف خاطر أتكمله

مأخذ دور حسنك أنت خادم بيك
لان ماكو بجمالك واحد أيمثله

ولهذا السبب گلبي انه جالك ضيف
خاطر بيك يگدر يفهم الجملة

لان شخصك بحر ومن البحر مخلوق
مو حورية جنك لا اضن احلى

گلي اشلون أفسرك وانه تايه بيك
هم شايف جبل يتفسر بسهلة

رضــ العماري ــــا

لان شاف الشمس لجلك تبوس الكَاع
من أيمر خيالك تختل أبضلة

عااااااااااااااشت ايدك