يالتصدلي بعين وكحه

شرد اكلك من كلام تصدلي وماترد حتى السلام

شيلني ذنوب وتحمل خاف من ربك حرام

يالبكـَت نومي بعذابك هسه كـَلي شلون انام

من رمتني سهام غدرك شرد اكـَلك من كلام

ارد اكـَلك آنه مجنون بهواك

وجربت بسمي ونسيته وكـَلبي ماظنه نساك

شما وصلت لراكـَ حبك تكـَلي ذاك الشط وراك

يا كـَلب كـَتلك غميج الماي تسبح بالنص شوازاك

ولكن اعاتب واشتكي وكتي اعليه من حاشاك

وشرد اكـَلك من كلام غير بس انت انتقام

يالتصدلي بعين وكحه وماترد حتى السلام

********

حيل تستاهل عذاب ويا كـَلب المن هويت

والله ما يسوه اتعذ ّب هدم بيك شما بنيت

جنت وياك واطيعك وشيجي منك رضيت

بلحظه داروك الشماته وبحجي اليكره مشيت

عفت مايي الجان صافي ومن نهر خابط رويت

وعفت جرحي يسيل دمه وبجرح غيري التهيت

وذاك انت الجنت اليه وبيد شماتي صفيت

ادري شوك انزرع دربك وانه الك حافي اعتنيت

شما تشب نيران بيه بس ترش نفطك طفيت

كافي بالله ارجوك كافي اني هاللحظه انتهيت