منبع التكوين

منبع التكوين
لولاج ما صارت سمه لا انو جدت أملاك

و لولاج ما صارت ارض لا دارت أفلاك

بيت الرسالة انتو الأصل منبع التكوين

من والدج سيد البشر والحسن وحسين

سبحان رب اللي جمع والد السبطين

انته يحيدر بالولاية الباري هناك

من الباري قرر فاطمة للبطل حيدر

جبريل أوحى للنبي والنبي استبشر

نورين لازم تلتقي غصبا على الشر

علاك ربك يا علي عالبشر علاك

أبيوم شال المصطفى هجمت الأشرار

و استوه جاي امن الدفن حيدر الكرار

نصبوا سقيفة بالعجل هجموا على الدار

علاك ربك يا علي و انغاضت أعداك

كادوا مكيدة ألفاطمة لاذت وره الباب

كسروا ضلعها يالنبي زمرة الأذناب

جتفوا حيدر بالحبل سيفه بالكراب

ملتزم حيدر بالأمر لجل الديانة

و الكوم غدرت بالوصي أهل الخيانة

نكروا البيعة بالعجل واخذوا مكانه

تدري علي المرتضى أبروحه يفداك

صارت ضحية للأمر فاطمة الزهرة

ريتك تشاهد يالنبي الضلع كسره

منهو الذي يكدر بعد ياهو ليجبره

ما تدري شنهو اللي سده أخلاف عيناك

هاي الوديعة فاطمة كسروا ضلعها

منظر المحسن من سقط كلش فجعها

انشدهت بحيدر يالنبي واخفت وجعها

صاحت يبو حسين وحسن مكدر بلياك

ألشيعه حزنانة و تون لمصا بج اليوم

وتصيح وين أم الحسن والكلب مالوم

تجلي همنه أم الحسن من كل الهموم

انهض يبن حامي ألحمه الشيعة تتناك

تتناك يا راعي الأمر والكلب مجمور

وينك يبن حامي ألحمه بيا ساعة أتثور

كلنه أجنود ألجيتك نفديلك أنحور