ينور العين

موضوع: ينور العين الأربعاء يونيو 24, 2009 11:08 am

ينور العين

يم حسين ينور العين ييمة طالت الغيبة

ييمه طالت الغيبة وتدرين الكلب مجروح وعلى فركاج يم حسين مالوم ويون وينوح
انه الشفتج على الغبرة ييمه والدموع تفوح
أصيح بصوت أريد الموت ييمه العظم المصيبة

ييمه أمصيبتي امصيبه يزهرة سيد الكونين
انه زينب شفت جرحج شفت كسر الضلع ضلعين
شفت محسن وكع عالكاع تمنيت أنعمت هالعين
الكلب مجروح يون وينوح ييمه الراح شيجيبه

ييمه الراح شيجيبه يزهرة يا أساس الكون
عليج تجسر الملعون دكليلي ييمه شلون
حزنان الإنس والجان ودوران الفلك مرجون
أساس الكون تروح شلون دفنوها بأرض طيبه

يزهرة يا أساس الكون والكون أنخلق لجلج
دكليلي بهذا الكون ياهو اللي ارتقت مثلج
ابوج المصطفى الهادي وأبويه حيدرة بعلج
أخويه حسين يدير العين لمصابج عله أنحيبه

أنتي الكوثر الموصوف وأنتي آية التطهير
هالآيه أنزلت للبيت و لغيرج ابد متصير
هذا أمقدر ومكتوب وبأمره الأمور أتسير
والقرآن اله برهان بالمحشر هو يجيبه

ييمه انه محتارة وأدير أفكار
شتكول اشتعتذر منج ييمه زمرة الأشرار
يوم ينادي بالمحشر يريد الدين واخذ الثار
ذاك اليوم يا قيوم تصير الوادم بريبة