خمسين نكته

موضوع: خمسين نكته الثلاثاء نوفمبر 03, 2009 6:34 am

خمسين نكته

1-اثنين راحوا للصيد واحد صاد واحد ضاد
2-فد ولد بدل وكشخ اجتي امة كلتلة انت طالع كله لا رايح انام
3-معلم الرياضيات سأل تلميذ لو ابوك تداين من البنك مليون دينار ومن جيرانكم مليون فكم مليون راح يرجعلهم فالتلميذ كال ما يرجعلهم اي شيْ فالاستاذ كال تداين مليون وبعدين مليون " رد التلميذ ما يرجع ولا فلس فالاستاذ كال اكعد انته كلشي ما تعرف بالحساب " رد التلميذ انته الي ما تعرف ابويه بالفلوس
4-بخيل احترك بيتة رمش على الاطفاء
5-اثنين يمشون بالصحراء طلعلهم اسد فالاول ضربة بالطوبة وركض ويباوع وراه لكة صاحبة واكف كلة ليش ما تركض رد عليه قابل آني ضربته
6-غبي اشترى تلفزيون كتبوله بالوصل ضمان 3 سنوات وصل للبيت احترك كال ايباه شوف السنين اشلون تركض تركض
7-اكو اثنين اغبياء يباوعون على التلفزيون وطالعة اخبار فقال الاول ليش طولت الاخبار اليوم فالثاني رد عليه كلة يمكن اليوم الحلقة الاخيرة
8-واحد خبيث دز رسالة لواحد اعمة كتب بيهة لعيون العراق فتح عيونك
9-اكو واحد رفع شكوة وكعت عليه
10-سالوا حشاش كلولة شنو اوجه التشابه بين الاوتي والبايسكل ؟ كال اثنينهن ميشبهن المجمدة.

11-اكو واحد راح للدكتور كله دكتور خشمي مسدود كله عادي طب بالفروع
12-واحد يشتغل بالمعارض السيارات مال البياع، صار عنده مولود گال للممرضه: الله عليچ لتغسلينة للطفل خليه بترابه ..!!
13-غبي فتح باب السياره يريد ينزل شاف المطر قوي..سدهه ونزل من الباب الثانيه
14-محشش ديسولف لصاحبتة :مرة صعدت نخلة مال تمر وكطعت عنب بس شلون تفاح هيجي كل ركية طولهة متر تستاهل حلكج
15-اكو واحد نايم كلتله امه اكعد مو طلعت الشمس كللهه طببيهه وسدي الباب
16-محشش طب على مقهى نت فميعرف على الحاسبة داس منا او جاب منا ميدري داس دكمة بالغلط جان يطلع مال سيدي رايتير كال حتى اهنا تحطون نفاضه

17-حشاش دز رسالة لصديقه مكتوب بيها : عازمك على العشا باجر الصبح ساعة 12 العصر يومالاحد بعد صلاة الجمعة على نص نفر شيش فلافل محشي دولمة مع كلاص عصير شنينه طبيعيمركز 100% لبن دجاج خاثر بالثريد والبيض المصادف 41 شباط 1480

18-سألو غبي كالولة .. اشو السي دي مالتك بيه هواي شخوط ؟؟
كاللهم : هاي اني مأشر عليه المواضيع المهمة
19-واحد كال للحلاق لتزين كذلتي وخلي زلفي طويل ومعليك بالصفاح .. الحلاق خلالة ريحة وكالة نعيماً
20-واحد رمى يمين الطلاق على مرته ما اجى بيها

21-مرة مدرس كال للطلاب اريد اثنين يرسمون على السبورة حيوانات برية فكام الاول رسم غزال والثاني رسم نقطة وكعد كلة شنو هاي النقطة كلة استاذ هذا فيل جاي من بعيد
22-اكو واحد غبي صديقه يدك عليه كام دزله مسج ناسي موبايلي بالبيت
23-اثول لكة فانوس سحري فركة طلعلة المارد كلة اتفضل كدامك 3 امنيات الكردي كلة اريد سيارة برازيلي وسيارة برازيلي وسيارة برازيلي المارد كلة شتسوي بيهم 3 كلة حتى ابيعهم واشتري مآرسدس
24-فد يوم مخبل راح لحديقه الحيوانات و طبب راسه بقفص الاسد الحارس كله مخبل شدسوي كله على كيفك قابل رح ناكله

25-اكوغبي اخذ ويا بطانية للملعب ؟؟ حتى يغطي عالدفاع
26-فديوم سألوااثول كالوله اذا الجو يبرد شتسوي
كال اطلع الصوبه
كالوله لا اذا الجو برد كلش
كال اقرب الصوبه مني
كالوله احنا نقصد اذا الجو بارد والدنيا تثلج
كال الزك لزك بالصوبه
كالوله واذا الجو صار ابرد من اللي حجيناه ووصفناه شتسوي
كال اشعل الفتيله مالت الصوبه
27-فد يوم عائلة عراقية طلعِلها لجوء في أمريكا.
فسافرت العائلة المكونة من الأب والأم وأولادهم الثلاثة إلى هناك
بس المشكلة أنه العائلة كلهم ميعرفون يحچون إنكليزي.. يعني ولا طگـّه.
وصلوا للمطار.. الأب راد يفيـّك على جهاله ومرته فگاللهم معليكم.. عوفي الحچي عليّه.
أشّر الأب بإيده على تكسي وصاح بعلو حسـّه.... تكسيشن
رأساً التكسي وكفلهم.. خلّوا الجنط بالصندوك وركبوا وياه.
الأب كاللهم خلي ناكل أول شي.. فاندار على أبو التكسي وگلـّه.
ودّينا لمطعميشن.. مشتهين ناكل تمنيشن وفوكاه دجاجيشن
وداهم أبو التكسي للمطعم.. الأب كلّه لأبو التكسي... إنتظرنيشن فد نص ساعتيشن
وطبوا للمطعم أكلوا وراها رجعوا لأبو التكسي
الأب كلـّه لأبو التكسي
هسـّه ودينه للفندقيشن
أبو التكسي وصلهم للفندق وهمـّه دينزلون غراضهم يم الفندق الأب گال لجهاله ولمرته..
مو گلتلكم الانكليزي سهل.. وعوفوا الحچي عليـّه
شفتوا إشلون لفلفتهم بلساني
السايق ضاج وإلتفت على الأب ونطق لأول مرة وگلـّه
!
لوما آني عراقيشن..چان أكلتوا تبنيشن
28-واحد لحك حرامى سبقه ؟كال اني ماكو مني عرفت انى رياضى
29-راحت وحدة الى امتحان التمريض سالوها اذا اخوج الصغير ابتلع مفتاح شنو تسوين كالت عادي ادخل من الشباك
30-اكو واحد كال الصديقتة من اطوطلج تنزلين كالتلة ليش اشتريت سيارة كالهة لا اشتريت طواطة

31-فد واحد غبي قرا لافته لطبيب امراض زهريه طب عنده الطبيب ساله شبيك
كال دكتور زهري يوجعني
32-محشش كاعد بالصف كل شويه ويضحك بعدين خرب من الظحك كله المدرس لك شبيييك مو اتخبلت له لا استاذ جاي احجي نكات لنفسي واخير وحده مسامعها قبل
33-غبي مينام بالليل ليش ؟ يريد يشوف منو يخربط شعره من ينام....
34-اكو واحد غبي كلبة وكف دفعة
35-دكتور يگول لواحد محشش: تخفيف الوزن يحتاج عزيمة!
المحشش: صار تتدلل دكتور باچر عشاك عندي!
36-فد يوم واحد محشش مسوي سيطره وكف برازيلي تعبانه وكاله للسايق افتحلي الجنطه كاله السائق مو تطفي السياره من انزل كال المحشش زين اني ادوسلك على البانزين وانته فتش الجنطه
37-محشش عزم غبي على دجاجه
فرد الغبي/اني اخاف اكل دجاج من انفلونزه الطيور؟؟؟؟؟؟؟؟
المحشش رد/لا اتخاف كصينه اجناحاتها؟
الغبي/ليش؟
المحشش/والله شفناها اتعاطس وتمسح خشمها باجناحها
38-اكو رئيس نادي رياضي محشش...اجتمع بل الفريق مال كرة قدم وسئلهم شتردون شمحتاجين؟؟؟؟؟؟؟؟؟؟؟كال واحد من الاعبين استاذ انريد احذية ,,,,,,, جاوبهم فوزو هاي العبة واشبعكم قنادر
39-معلم سال طالب كال اين تكثر زراعة الكرفس ..جاوب الطالب بل العمارة ..المعلم ليش كال لان يسون هواي خبز العباس
40-فد يوم محشش راح طبيب اسنان طبيب فحصة كله يا سن يوجعك كله غير انتة دكتور وتعرف يا سن يوجعني ؟؟
41-معلم دخل للصف كال للطلاب دارسين لو لا كالوله لا هريسة
42-اكو واحد يريد يسافر واخذ ويا كونية مال شكر ليش؟؟؟؟؟؟؟؟
كال يكولون الغربة مرة
43-اكو محشش راح للطبيب كاله دكتور يوميه احلم بزازين يلعبون طوبه كاله الدكتور لعد لتنام اليوم كله ما اكدر اليوم يلعبون على النهائي
44-
فار ديجر اسد ميت شاف حيوانات الغابه كلها تصفكله كلهم : هو اني هيج من اضوج ما ارحم
45-اكو واحداشترى سيارة مكتوب عليهة 4×4وهو يخاف عليهة كلش فثاني يوم كعد الصبح لكة بصف ال 4×4مكتوب =16 فهو ضاج وراح صبغهة ونفس الحالة ثالث يوم صارت هم وداهة للصباغ جان يكلة الصباغ خلي نكتب عليهة =16 علمود بعد مكتبون راح رابع يوم الصبح لكة مكتوب بصفهة احسنت يا بطل
46-محشش كال
لصاحبه اريد ابيع سيارتي التويوتا بسعر غالي شلون؟ كله صاحبه بسيطه شيل علامة تويوتا وحط علامة بي ام بعد اسبوع سأله صاحبه : بعت سيارتك ؟ كال المحشش: من كل عقلك انت ، اكو واحد يبيع سياره بي ام
47-محشش شاف الدعايه مال اسيا سيل كال اذا المسج سنتين لعد المكالمه شوكت توصل ؟؟؟
48-اكو ثنين طبو للمطعم طلعو يمشن بالمقلوب ليش اكلو مقلوبة
49-فد 123 طبوا للمطعم طلعوا 321 ليش ؟ اكلوة مقلوبة
50-فد واحد راح الى ابو المحل كلة عندك ببسي حار كلة ابو المحل اي كلة لعد حطة بالثلاجة

ههههههههههههههههههه
حلوات
عاشت ايدك

Razz