قصيدة ..عيوني بغداد

انة بابل ربيت وعشت لليوم
وروحي البصرة بميهة تشربهة
وعيوني بغداد وتصب ادموع
من يذكر طيبتهة ومن يسكتهة
جرت دموع وصارن نهرين
واحد دجلتهة والثاني فراتهة
وأدية اثنين و لزمن الشباج
نخت الحسين والعباس يحفظ اهلهة
أربيل حلوة والجبال عليهة ثلوج
وروحي محتارة تريد بس تروحلهة
اريدن بالعراق يعم ألامان والفرحة تدوم
وبقدرتة رب الكون هوة يسيجهة
وذا جتي علينة اغيوم ارهاب
ينهض ابوالحسنين وبسيفة يكطعهة
سنة وشيعة نبقة اخوان للدوم
محد يكدر بقوة خوتنة يخلخلهة
لان ابوالقاسم محمد بالكتب هيج مسجلهة